Angel

Angelstad (uttalerett Ongelstad) gnr 55 i Holt >Tvedestrand ligg øvst på eit skrånande platå ved ei elv. Rygh legg her til grunn at forleddet er Ǫngull som mannsnamn, som også for Angelset i Veldre i Ringsaker, Hedmark, men meir for seg har det å vise til aŋkal(e) el. aŋkalȧmmie el. aŋkalnimmie (Vefsn), lite høgdedrag i flatt lende,men høgt nok til å gje utsikt, med litt andre lydnoteringar ȧŋkȧlɛ eller ȧŋkȧlnȧmɛ. Det høver godt for Angelstad, og vel så det for Angels­haug i Kinn k. i Sogn og Fjordane. I ganske mange nordnorske namn er aŋkale blitt omtolka til «Handkle-», men lydnoteringa ȧŋkȧlɛ viser ein ȧ omtrent som den i engelsk man, og slik uttale har resultert i skriveformer som Enkelåsen (Kviteseid), Enkeløyan (Selbu) og Enkeltjønna (Skjåk).